Dei første tjue minutta var det jamt i Voldahallen, men etter keeperredning, tøft forsvarsspel og fleire mål frå Vanessa Sunde Hoel, var Volda-damene ustoppelege og vann 37-23.

 

Foto: Kristine Brandsdal Barane
Skrevet av: Mariell Midtbø Bøyum

 

Laurdag 10.september var det duka for handballkamp i Voldahallen. Denne helga møtte 2.divisjonslaget Sverresborg frå Tønsberg, og Volda vann 37-23. Rett før kampstart sa trenaren i intervju med Student TV at sjansane for å vinne i dag var 50-50. Etter første omgang leda Volda solid med 19-12 til pause.

 

Toppscorar Vanessa Sunde Hoel blei kåra til banens beste for Volda med heile 13 mål.

Kva føler du om å bli banens beste?
– Det er utruleg kjekt, i dag var vi bra. Vi får til taktikken, køyrer tempo når vi skal og har ein keeper som er heilt rå!

img_4717

Sunde Hoel trur serien blir tøff, men om laget held fram slik kan dei ha gode sjansar i følgje bakspelaren.
– Vi må berre prøve å halde nivået, og om vi klarar det har vi gode sjansar.

 

Sunde Hoel og trenar Halldór Stefán Haraldsson er samde om at keeperspelet og tempo fungerte aller best i dag.
– Sluttresultatet seier ikkje alt, det var ein tøff kamp. Vi var ganske like i starten av kampen, men så reddar keeper og vi scorar, i tillegg stoppar vi dei i forsvar. Når vi vinn slike duellar klarar vi å komme i leiinga.

img_4878

Haraldsson fortel at han brukar heile 15-16 timar på å analysere kvar einaste motstandar ved å sjå video og diskutere med laget. På trening vert det lagt vekt på forsvar, angrep og å lese spelet til motstandarane. No gjeld det å nullstille seg før neste kamp i Trondheim.
– Neste kamp er alltid ei utfordring. Viss vi kan vinne mot Charlottenlund så veit vi meir korleis vi ligg an.